去紅磡買蝦子麪，經過仁孚車行對面嘅寶其利街，見一間新開張嘅南貨店，燈火通明，貨品排列整齊有序，不禁望多兩眼，竟然見到一熟悉面孔，就係邵伯伯，佢本來喺銅鑼灣賣南貨，點解嚟咗呢度呢？
原來銅鑼灣嗰間舖頭，由第二代接管了，新人事新作風，做了四十幾年嘅邵伯伯都冇得留低。年屆八十的邵伯伯把心一橫，喺紅磡自己開舖再創天下，呢份魄力，教人佩服，值得支持。
環顧四周，發現貨品很齊全，先揀了兩包鄞州雪菜，用來炒肉絲做湯麪澆頭，再買兩包箭筍，係四川來貨，身幼而長，正好做紅燜筍，好過用罐頭貨，還有金華火腿，價錢很合理，比中環那間來得便宜，於是又買了一大塊，用來煲湯。邵伯伯又介紹，說今年的六月黃不錯，一百元三隻，咁抵食，不能不買，結果買了一打回家與孩子們大快朵頤，果然正如邵伯伯所說，雖然細隻，但膏多肉鮮甜，好味道！
邵伯伯還教我一些挑選江浙食材的心得，獲益良多，這間小小的三陽泰，因經營者近半世紀的經驗，已成為一個超越生意的通識教育場所，希望三陽泰生意興隆，客似雲來。
專欄電郵：mcwriter@sharpdaily.com.hk
葉潔馨
逢周四、五
