曼市打吡激戰過後，5月1日雖然係紅日，但係勞動節我就真係要勞動，去到大埔運動場為「Euro旋風、大埔慶回歸暨區隊十周年」慶祝活動做司儀。
當日真係好熱鬧，候任行政長官梁振英先生都有出席，仲有now TV歐洲國家盃大使李克勤同師兄劉浩龍獻唱。前一日綵排嗰陣，天氣好反覆，一時又好大雨，點知轉個頭又忽然出太陽，搞到大家都有啲擔心，好彩有驚無險順利完成，流多多汗都抵呀！
最搞笑係要班和富大埔球員、now評述員同嘉賓玩二人三足射九宮格鬥高分，平時就咁射波已經夠難，仲要兩個人綁住隻腳嚟射，但係真係好搞笑。

依雯
逢周三