好多人都知日本燒肉專門店「牛角」長膺食店人氣王，今日佢哋第六家分店喺旺角瓊華中心正式開張，大家shopping完想食多汁烤肉又有好去處喇！
即日起至8月24日，揸住《爽報》報頭去全線「牛角」享用原價$69嘅「王樣！腹胸肉」，就送香蔥溫泉玉子飯同「王樣豆腐」各一客，總值$64。喺9月30日前，晚上10時後去旺角新店幫襯，海鮮盛合半價，所有飲品同「王樣！腹胸肉」等五款食品都係7折咋！

只賣$99嘅「薄燒月見和牛」，每一片都係嚟自日本鹿兒島嘅黑毛和牛，均勻嘅油花係人見到都流口水。每面只要烤約20秒就食得，入口即溶嘅感覺要親身感受先領會得到。

用咗秘製醬油醃製嘅「王樣！腹胸肉」肉質嫩滑。一咬落去，口腔即時充滿牛肉汁，難怪成為「牛角」十大人氣菜式。每客$69。

每客$39嘅「王樣豆腐」係將特製微辣醬汁淋落香滑豆腐度，加埋幼滑日本玉子，味道層次豐富。

大大份嘅「海鮮盛合」有齊魚、蠔、帶子、青口，用料款款新鮮，鍾意食海鮮嘅人一定唔可以錯過。用$99就可以嘆到。

唔使飛去日本，一樣食到充滿和風口味嘅牛角冷麵。美味日式豚肉、煙靭麵條加埋爽脆青瓜，好似一道清泉咁，食完都無飽滯感覺。每碗$59。

食完味道濃郁嘅烤肉，記住飲番杯冰凍骨膠原啫喱活乳酸梳打，美顏嘅骨膠原啫喱更係女士至愛。每杯$29，熱情果、白桃同巨峰提子味道任揀。

超礦物海藻野菜沙律入面有美肌膠原蛋白啫喱，加埋含豐富礦物質嘅海藻，健康又好味，係炎炎夏日嘅最佳選擇。每客$49。

試過呢款賣$19嘅牛角雪糕，黑蜜糖將雲呢拿嘅甜度大大降低，即使平時不太嗜甜，都會為呢道甜品喝采。

爽迷只要答啱以下問題，喺上午10時至下午3時，將答案、身份證姓名、身份證號碼（英文字母連頭四個數字）同聯絡電話，電郵嚟sharpbuy@sharpdaily.com.hk（註明「牛角」送禮），每小時頭十位讀者會得到「海鮮盛合」一客，同埋牛角保暖杯一隻，總值$198，名額60位。得獎者有專人通知。

問題：今日嘅短片入面，動記者碧琪飲嘅骨膠原啫喱活乳酸梳打，係白桃味抑或巨峰提子味？

查詢：3154 6800

爽着數報料電郵：sharpbuy@sharpdaily.com.hk