早排一大班朋友去遊車河，一打開車門，熱氣霉味打孖嚟，大家差啲當場暈低。爽妹走去旺角AES汽車用品專門店，諗住買啲啱夏天用嘅汽車用品畀老友，免尷尬場面重演。老闆見爽妹有情有義，話唔止可以用特價買指定貨品，爽迷喺8月底前拎住《爽報》報頭幫襯，仲享全店九折㖭。
趕走熱氣 太陽能抽風機$198
架車停低後喺大太陽下關晒車窗，車廂溫度肯定驚人。喺窗邊安裝呢部嚟自日本嘅太陽能抽風機，毋須駁電就自動將車廂內嘅悶熱空氣抽走。原價$248，現只賣$198。
全日清爽 風扇椅背$150
用咗呢款原價$188嘅風扇椅背，背脊唔會黐𣲷𣲷之餘，仲有清爽涼風吹住，加埋冷氣，車廂溫度自然唔會高，揸車都醒神啲。𠵱家只賣$150。
隨時消暑 流動雪櫃$448
大熱天時可以喺車上飲冰凍汽水，全車人肯定為你高呼喝采。能夠源源不絕提供冰凍汽水嘅雪櫃原價$498，𠵱家$448咋。
消滅汗臭 消臭煙霧器$60
成身臭汗走上車，耐咗車廂就會殘留陣陣異味，配絲絨座椅嘅汽車問題就更嚴重。用$60買呢款原價$75嘅消臭煙霧器可將臭味一掃而空。
健康放送 空氣淨化機$125
揸車時怕車外空氣污濁，又擔心車內對流空氣差，威脅乘客健康。呢部有效為車廂提供清新空氣嘅空氣淨化機，原價$158，現售$125。
隔絕雨水 鬆弛熊雨遮袋$168
落雨上車，不斷滴水嘅雨遮會搞到車廂濕晒，霉臭味道自然嚟。用$168買原價$195嘅「鬆弛熊」雨遮袋，就可以保持車廂乾爽。
保持視野 SOFT 99玻璃驅水劑$76
夏天隨時落傾盆大雨，只要用咗呢款嚟自日本嘅SOFT 99玻璃驅水劑，搽喺車窗外，雨水就唔會積聚，路面自然睇得一清二楚。原價$89，𠵱家賣$76。
呵護Pat Pat 竹製坐墊$65
好多車都係真皮座椅，夏天一坐上車，Pat Pat就受罪。用$65買原價$79嘅竹製坐墊，舒服感覺即刻返晒嚟，最啱職業司機。
地址：旺角黑布街80號地下
電話：2391 0370
爽着數報料電郵：sharpbuy@sharpdaily.com.hk
