颱風殺到隨時引發山泥傾瀉，屋宇署雖提供上限100萬元貸款計劃協助修葺，但條件苛刻令貧困業主卻步。粉嶺崇謙堂村一名七旬老婦，12年前自揭私人土地有危險斜坡，自責累家人孭起百萬元「斜坡債」，更因此鬱鬱而終。記者:吳淑義
涉事斜坡位於粉嶺崇謙堂村304號，佔地約六萬呎，是戶主陳先生的太婆購入，現時由陳先生夫婦、老父及一對在學兒子同住。49歲的陳太兩度患癌，為應付斜坡債，去年底到洗衣工場工作，丈夫則是房屋署維修技工，家庭月入二萬多元。
陳太憶述「斜坡噩夢」始於2000年，「當時有一批後生仔問奶奶（陳老太）呢度有冇斜坡，話政府整唔使錢，奶奶就准佢哋去勘察」。其後屋宇署證實石屋後有一幅約四米高的危險斜坡，因位處私人土地，業主需自費修葺。
陳家聘專家估價，「維修要七、八十萬，加埋顧問費要成百萬，政府話塊地唔值錢，唔肯借錢。當時我患癌，老公賺萬幾蚊養六口，根本無錢整斜坡」。家人無怪責陳老太「自揭」斜坡，但老人家終日自怨自艾，「奶奶以前食得瞓得行得，但事後怨自己累全家，老人病惡化，2003年過身，死前仲諗住呢件事，鬱鬱而終」。
2005年6月，斜坡在暴雨中冧山泥，「好彩冇冧牆先冇死人，老公打緊急熱線向屋宇署求救，又話私人地唔關佢哋事」。陳先生花了整年時間清理泥石及鞏固斜坡，「用咗萬幾蚊買料去整，冇錢惟有死頂」。
斜坡表面用水泥覆蓋，看似穩固，但因非專業人士施工而不獲認可，屋宇署繼續發出修葺令，去年陳家遭法庭判罰1,500元，「屋宇署終於肯估地價，話塊地值200萬，最多借100萬，三年內還清，每個月要還2.8萬以上，唔食都還唔起，唔怪得冇人借」。
斜坡維修費現已飆升至130萬元，即使獲貸款亦需另籌30萬元，陳太批評屋宇署未能急市民所急，建議當局准可抵押土地或延長還款期，「到賣地先還錢，或者分10年還，每年3,000蚊，負擔到一定畀」。
