專賣日本同韓國食品嘅「日韓123」貨品種類包羅萬有，十足當地超市一樣。食日本零食食到悶，係時候引「韓」入室，等爽妹推薦吓佢哋嘅韓國食品啦！
紅參糖 $48
紅參糖將韓國參嘅精華發揮到極致，味道濃郁，醇香可口，除咗提神，仲有效潤喉、清聲。$48盒。
大象韓國辣椒醬 $42
要整石頭鍋飯自然諗起惹味嘅辣椒醬。大象韓國辣椒醬香辣得嚟帶點甜，令人無法抗拒。用途非常廣泛，可炒年糕、炒菜或撈飯。$42盒。
一品炸醬麵四個裝 $58
一品炸醬麵遠近馳名，製作簡單，將麵同醬分別煮熟再撈埋就大功告成。香味令人垂涎，麵條彈牙，大力推薦！四個裝只係$58咋！
Market O產品 $38
好多人去韓國會買Market O產品做手信。呢度有朱古力蛋糕、朱古力餅、天然餅乾同芝士薯片四款口味，款式豐富之外，每盒包裝都非常美觀。$38盒。
魚形蛋糕 $52
魚形蛋糕鬆軟柔密，紅豆餡料充足，口感細緻。蛋糕外型可愛，小朋友一定鍾意。一盒六包裝賣$52。
WJ米漿 $11
WJ米漿適宜早上飲用，飲完有飽肚感覺，最啱減肥人士。米香獨特，令人一試難忘。$11支。
真露燒酒 $25
韓國銷量第一嘅真露燒酒必須一試，有唔同濃度，平均20度左右。冷凍後飲，口感更佳。調酒可選用梳打、汽水或茶等等。$25支。
宗家府切件泡菜金樽裝 $42
市面上賣嘅泡菜冇咁酸，較迎合港人口味。宗家府切件泡菜金樽裝保留傳統嘅超酸味，令人越食越開胃，無論即食定烹調同樣不失味道。$42盒。
爽迷7折掃零食
即日起至7月31日，《爽報》讀者拎報頭去日韓123買滿$99即享7折。為食嘅爽迷萬勿錯過喇！
地址：荔枝角宇晴匯2樓10號舖
電話：2711 9660
