三重潔淨洗面膏由棕櫚同油菜花油提煉而成，配合植物氨基酸潔淨成份，用後清爽sharp醒。110毫升$48，真係好筍！
外表胖胖可愛嘅淨化毛孔潔面泡，用起上嚟質感幼細綿密，性質溫和，輕易洗掉面上嘅污垢。200毫升都只係$59。
滋潤柔滑卸妝乳將卸妝同洗面一take過，省時快捷。可乾濕兩用，卸妝乳沾咗水依然有效發揮落妝功能，邊冲凉邊落妝話咁易。150毫升$69咋！
有天然棕櫚油成份嘅深層溶解卸妝油，專門去除難以溶解嘅化妝品，例如防水睫毛液、眼線等。以後落妝唔使大力捽都搞得掂。150毫升只賣$79。
喺7月19日前，憑萬寧店內嘅COW無添加產品優惠券，購買卸妝潔面系列產品一件，即減$8。品牌本身唔算貴，有埋coupon真係筍到冇得彈。
今日上午10時至下午2時，將身份證姓名、身份證號碼（英文字母連頭四個數字）同聯絡電話，電郵嚟sharpbuy@sharpdaily.com.hk（註明「COW無添加送禮」），每小時頭5位讀者將得到卸妝油、卸妝乳、潔面泡同洗面膏各一支，總值$255，名額25位。得獎者有專人通知。
爽着數報料電郵：sharpbuy@sharpdaily.com.hk
