「魔幻朱古力」係由Jason一位魔術師朋友所創，幾個簡單步驟就將紙卡朱古力圖案變成真朱古力。呢款連埋教學DVD嘅道具只賣$218。
「變色玫瑰」係2011年推出嘅魔術道具，售價$118。唔止可以將紅色玫瑰變成白色，甚至將一朵甩咗花瓣嘅玫瑰還原都得。
怕醜仔喺女仔面前將紙碎放入呢個賣$48嘅「神奇還原盒」，一打開，難以啟齒嘅心意就即時展現眼前，女仔見到實冧爆。
想向女仔求婚就可以用呢個售價$50嘅「物件出現盒」。預先放戒指入盒，再喺女友面前出其不意變出戒指，驚喜度滿分，求婚定必一擊即中。
陳豪喺《心戰》玩過銀仔入樽魔術。買咗呢隻售價$98嘅「魔術戒指」，Jason到時會將使用秘密話畀你知，仲兼送教學光碟。
喺酒吧攞出呢個價值$88嘅「隱形港幣」，可以好神奇咁將三個一蚊銀變剩兩個，令你即時成為眾人焦點。
猜枚成日輸嘅人只要用$25買咗呢套「古惑骰仔」，再同老友玩大話骰，唔單止戰無不勝，仲可以為大家帶來無限歡樂。
要將呢個看似普通嘅「明日環」穿過頸鏈，一定要表演者同觀眾心靈相通先做到。想證明自己同身邊人係咪天生一對，用$25買套「明日環」就可以。
免費送魔術道具
《爽報》讀者喺今日中午12點後，將身份證姓名、身份證號碼（英文字母連頭四個數字）同聯絡電話，電郵去sharpbuy@sharpdaily.com.hk（註明 「Magic Key魔術」），首100位讀者將得到「明日環」或「古惑骰仔」一套。得獎者會有專人通知。
地址：新蒲崗五芳街8號利嘉大廈2樓31室
查詢：6094 7962
爽着數報料電郵：sharpbuy@sharpdaily.com.hk
