鄒梓嫻劫後餘生，向傳媒展示她和弟弟的生活照。（何柏佳攝）
香港賽馬會向Cathy頒發獎學金。
鄒梓嫻（Cathy）由深圳來港讀書，去年入讀香港教育學院，修讀全球及環境研究學士課程。她的奇蹟由02年開始，當時父親載着她、母親和只有數月大的弟弟，在公路上翻車。她爬出車找媽媽，突然暈倒公路上，被一輛車撞到凌空拋起，全身骨折、滿身鮮血。
以為Cathy走進鬼門關了，但奇蹟接踵而來︰「入院時醫生同我爸爸講，你個女醒唔返，可能會死，又可能會係植物人。昏迷咗三日後，我醒咗，都幾清醒。」
性命得以保住，但手尾長。「醫生話可能要截斷雙腿同埋左手手臂。爸爸好傷心，叫醫生做吓手術啦。做咗好多次大型手術後，過咗一、兩個月，醫生話唔使截肢嘞。」
Cathy慶幸可以康復過來，與弟弟和父親一同生活。
「但醫生又話我腳趾唔識郁，可能呢世人都要坐輪椅、企唔得返。佢同我講嘢嘅時候，我腳趾就郁咗。」難關一一跨過，「之後我慢慢可以企起嚟，醫生從新教我點行路，嗰陣時醫生話我唔可以再跑、唔可以再跳，但我之後又可以跑、又可以跳喎！」
現年19歲的Cathy前前後後做了20次整形手術，她住院期間住過整容科，但慶幸自己毋需整容。「啲病友令我覺得自己真係好幸運，佢哋全身都燒熔晒，冇鼻、冇耳朵，唔行得出去見人，日日嘅生活係喺走廊由呢頭行去嗰頭。」
女生總是愛美，Cathy死過翻生，笑說：「我係整容科裏面最完整嘅人！」她又說：「我真係覺得自己好幸運，佢哋一生搵唔返嘅嘢，我可以從新企喺度。」
