好多人鍾意行宜家（IKEA）搵佈置家居靈感，爽妹知道宜家九龍灣分店5月份會推出一連串嘅獨家食物同傢俬優惠，好似PLUGGIS貯物盒套裝低過半價。
蝸居屋仔嘅香港人要善用每寸空間，將一套七件嘅PLUGGIS裝上牆，實用又美觀，仲即時解決文件雜物亂七八糟嘅問題。原價$89.9，特價$39.9。
原價$49.9嘅BARNSLIG ULVEN毛公仔，生產時無用任何螢光增白劑，小朋友夜晚攬住瞓都好安全，特價$39.9。
朝早11點後去宜家餐廳開餐，只要用$9就食到原價$15、好味足料嘅夏威夷薄餅。喺百物騰貴嘅日子，真係抵到無可再抵。
宜家餐廳晚上6點後供應嘅滋味晚餐，包括凱撒沙律伴烤雞、瑞典軟心朱古力同熱咖啡，原價$49，𠵱家只係賣$29。
查詢：3125 0888
