「初級葡萄酒課程」適合對紅酒有興趣嘅初學者。導師先介紹葡萄品種、酒類、產區，再講解閱讀酒標嘅方法，方便揀酒。上堂時仲會試到7至8支不同種類嘅葡萄酒，唔係紙上談兵。兩堂共6小時嘅課程費用$600，平時去飲酒都唔止呢個價錢。
「中級葡萄酒課程」都係上兩堂，共6小時，收費$1,000。課程主要學習正宗品酒文化同品嚐葡萄酒嘅禮儀，再認識法國波爾多八大酒莊嘅出品同歷史。課程試酒款式更多，包括法國列級酒莊嘅名釀。
美酒同食物互相襯托先可以帶出各自嘅味道。「葡萄酒晚宴」精選一系列嘅葡萄酒，配上主題菜式，好似中餐、西餐甚至日本菜，每位$600起。喺席上一大班人交流當晚葡萄酒同食物嘅意見，仲可以擴大社交圈子㖭。
近年紅酒成為投資工具，過去幾年嘅回報都唔錯。「紅酒投資課程」內容圍繞酒花同現貨嘅投資知識，甚至比較少人認識嘅紅酒基金都有介紹。除咗注重數據分析，仲有詳細嘅外國市場資料。三小時嘅課堂收費$1,000。
導師Luis Yip葉天陽
今日中午12點起，《爽報》讀者將身份證姓名、身份證號碼（英文字母連頭四個數字）同聯絡電話，電郵到sharpbuy@sharpdaily.com.hk（註明「香港紅酒協會品酒班」），就有機會得到價值$300嘅「初級葡萄酒課程」一堂，名額三位，先到先得，得獎者會有專人通知領獎。
地址：長沙灣長順街9號昌隆工業中心3樓B03室
查詢：2786 3378
爽着數報料電郵：sharpbuy@sharpdaily.com.hk
