湯鎮業姪女湯洛雯在英國畢業回港後殺入模界，做Mandy Lieu師妹。資料圖片
【本報訊】今屆港姐前日首輪面試，全場最索的「長腿羨妮」原來是無綫當年五虎將之一湯鎮業的姪女湯洛雯（Roxanne），其父是曾主演電影《唐朝豪放女》的湯鎮宗。現年25歲的Roxanne於英國畢業返港，憑34吋上圍及長腿成為模特兒，是Mandy Lieu師妹。Roxanne昨被爆愛夜蒲劈酒，high到面紅紅時又不顧儀態手舞足蹈。
原來前日港姐面試全場最索的「長腿羨妮」是湯鎮宗的女兒湯洛雯。
昨有讀者提供照片指湯洛雯愛夜蒲及劈酒。
湯洛雯與男、女友人玩到攬頭攬頸。
身在大連拍劇的湯鎮宗對女兒參選表示：「聽老婆提過，女大女世界，未報之前唔係咁喜歡，既然報咗名就支持，佢鍾意條路點走佢決定，唔阻佢。」他坦言當年送女兒到英國讀書就是不想她入娛圈，現既成事實，他7月初或會抽空返港給女兒鼓勵。也於內地開工的叔叔湯鎮業則力撐姪女：「佢幾靚女，學歷各方面都OK，知佢選就梗係支持啦，後生女學吓嘢，唔好將成敗睇得咁重就得，贏當然好，當有個人生經驗。」
