蘇永康昨日寸爆無綫刻薄，每次工作後只獲100元利是作車馬費。
王維基揸弗的城電，首要獲政府發牌，才有望「攜手創造電視奇蹟」。
王維基昨率領蘇永康、廖碧兒、唐禹哲、關楚耀、林嘉華、駱應鈞、姚樂怡、梁小冰及詩雅等，於尖沙嘴出席城市電訊電視三套新劇的記者會，眾演員輪流上台分享感受，蘇永康自爆今次拍劇酬勞好好；姜文杰談到終於可以演員身份上台，其妹姜麗文戥哥哥開心落淚。
王維基昨與廖碧兒同場，為他嫌棄女方四方面一事解畫。
詩雅與唐禹哲將於城電新劇《還來得及再愛你》合作。
梁小冰於新劇要一人分飾九角，由18歲演到80歲。
其實政府尚未正式向王維基發放免費電視牌照，但他已聘請幾百員工兼連開幾劇，假若領牌一事臨門撻Q，損失豈不相當慘重？王維基昨被問到申領免費牌照進度，他信心十足地表示現已到最後階段，尚欠一些細節而已，更大口氣地說：「我都唔想佢咁快出！想儲200至300小時劇集先，𠵱家我哋幕後有300幾人，今年會增加到700人。」對有傳他嫌棄廖碧兒四方面，要求她先打botox瘦面才拍劇，否則易角，王維基笑說：「冇喎！唔需要，佢𠵱家都靚到流晒口水啦。」同場的廖碧兒亦否認傳聞，更自誇四方面上鏡顯得更有福氣。
無綫新秀出身的蘇永康與其他無綫叛將一樣，在王維基的活動狂踩無綫，他被問到演出新劇酬勞時坦言「好pay」，並揶揄無綫刻薄︰「同無綫比？加多兩、三個零囉！我喺無綫都係得封利是，一百蚊當係車馬費。今次同王生就係by project計，早排王生畀錢叫我拍多部，但我主要都係歌手工作，所以推咗。」提到劇中角色，蘇永康笑稱與現實一樣，醜樣但貪靚。問到他可知王維基仍未獲政府發牌？若然觸礁怎辦？他只說︰「我做演員都係做好啲戲，但都覺得政府應該開放更多免費廣播市場。」
此外，梁小冰透露於新劇中要一人分飾九角，更要由18歲演到80歲兼有親熱戲，她說：「今次我會被打造成一個性感美少女，同周俊偉有床戲，一路咀、一路剝。」
