秋官笑言相信丁蟹效應的人可趁低入市。資料圖片
鄭少秋新劇宣傳片上周末播出，恰巧昨日港股大跌549點。
鄭少秋與陳豪主演的《心戰》將於本月21日推出，該劇講述秋官飾演的戲劇大師靳兆楠，在機緣巧合下，以方法表演論，成功替警方破獲一宗連環殺人案，但他女兒卻在25年前被綁架兼撕票，因屍首未尋獲，他堅信女兒未死。而陳豪飾演的雙重性格魔術師，就是殺害靳兆楠女兒的兇手，他避過法網後改名換姓，與靳兆楠成為好友。今次監製戚其義與編審周旭明繼《天與地》後再玩重口味，戲中一樣有人食人場面，故宣傳片也拍得頗嚇人，其中秋官一段他不停撕走白色面具，畫面陰森。
中新社
繼《天與地》（下圖）後戚周配再炮製重口味新劇《心戰》（上圖）。
秋官的宣傳片在上周尾播出後，丁蟹效應隨即出現，加上法國總統選舉和希臘國會選舉，致全球股市波動，雙重影響下，昨日恒生指數急瀉549點，跌幅2.61%，國企指數也跌307點，跌幅2.83%。宣傳片威力已如此強勁，未知劇集真正播出時，影響有多大？秋官昨謂不相信丁蟹效應，還笑言叫股民趁低入市，他在電話中說：「咁咪好，有劇出就有人講，啲人信嘅就可以攞住丁蟹效應去搵銀。」《心》劇長達30集，股民豈非有得震冇得瞓？秋官說：「只要佢哋信，有排搵喎。唔怕嘅，大把嘢執，執啦，快啲去執。」他卻謂自己投資屬穩陣派，只買藍籌作長線投資，有錢就買樓。
股評人胡孟青昨稱不相信丁蟹效應，並力撐秋官：「唔好質啲嘢畀佢，呢排正值法國總統選舉，影響股市波動，如果話係秋官影響就得啖笑，股民應睇實際啲嘅嘢，不過逢係賭仔都姓賴。」談到對股民的實質建議，青姐說：「佢哋應睇餸食飯，今日買熊仔贏，聽日牛仔有可能反彈，市場升跌上落好平常，每個時機都有合適嘅嘢去買，買錯咗分分鐘輸瓜你。」
