最近因為聖女節目搞到係人都識嘅「聖天奴」，因為啲似是而非嘅理論，加埋俾人爆料狂插，負面形象深入民心，索姐對佢都冇乜好感，點知佢仲成日擺出一副靚仔情聖樣，令人作嘔呀。
情聖上身讚可愛
有次索姐去咗個祝捷會，見到聖天奴同人傾緊偈，但佢又唔覺意坐住咗一個記者妹本記事簿。記者妹就行埋去細細聲同佢講，想麻煩佢起一起身，點知佢聽唔到，記者妹就輕輕拍一拍佢膊頭，就喺呢個時候，聖天奴竟然導師上身，讚記者妹表現好，咁樣輕拍佢係有a little bit可愛，然後再好快咁情聖上身，眼甘甘望住人甜笑，擺明放緊電。嗰位記者妹見過圈中靚仔無數，聖天奴咁嘅樣只會令佢忍唔住笑，再以9秒9速度攞番本簿閃人。索姐笑到反肚，其實人哋一心只想你移開個籮柚啫，使乜一副想除埋條褲咁嘅款先？慳啲啦！
周維索
