其實洛比桑即使只做監製，觀眾也當正是他執導，沒有分別。08年的《救參96小時》一條簡單戲橋，打到落花流水，相隔4年，沿用同一公式，在限定時間內救參，配上實戰式打鬥，《拯救太空1號》更打到上太空，玩無重狀態。嫌此片劇情空洞兼不合理？咪玩啦，睇洛比桑，唔睇動作睇乜？這套科幻動作片時間設定在2079年，但許多東西也不太高科技，所謂科幻只是一塊可有可無的糖衣。相反，全片亮點是男主角佳皮雅斯，練到一身肌肉的他由頭打到落尾，一打500再救人，說服力比《救》片年過半百的里安納遜高得多。不過，此片處處都是《救》片的影子，新意和刺激程度即時減半，尤其今次設定在外太空，不及《救》片描繪的苦心爸爸救女記那麼貼心。
張居
