王維基（左）簽林嘉華加盟，為旗下電視台添一員猛將。
【本報訊】王維基昨日於尖沙嘴與林嘉華進行簽約儀式，更送上一對筷子寓意拍住搵食，又謂不介意林嘉華去其他台發展，即使幫無綫都得，林嘉華即賣口乖：「我排無綫第二位。」至於會否擔心被無綫封殺，林嘉華說：「冇聽過，反而覺得多一個電視台係雙贏局面，令無綫有衝擊去留住員工。」
王維基早前被拍得與唐英年的前助理袁莎妮相約晚膳。資料圖片
由於政府至今仍未發新的免費電視牌照，問王維基可擔心，他說：「5月我哋會開拍三部劇，電視行業多競爭多選擇，𠵱家已開始招募第二期訓練班學生。」對於早前他被拍得與唐英年的前政務助理袁莎妮食飯，王維基稱只是普通朋友，他說：「呢個世界唔係男就係女。其實唔止佢，同學都話好驚同我出街，總之清者自清。」
另外，無綫新劇《耀舞長安》由編審劉彩雲獨力度橋及修改劇本，但因她過檔幫王維基，無綫竟在後期製作清單上、只寫上參予了少部份集數的編劇湯建萍名字，其他同事看不過眼在微博直斥：「這種剝削抽水、不懂尊重原作者的行為，實在令人齒冷！這跟強盜有何分別。」
