從愛情路上跌過痛過的莊思敏，更體會到寧缺勿濫的重要。
莊思敏自言已從情傷中站起來，隨時迎接下一段感情。
在情路上17年飽歷了6段情，傷痕纍纍的莊思敏不介意做盛女，還很欣賞這字眼，她阿Q地說：「盛女嘅盛係盛放咁解，幾好。話29歲係盛女，我就覺得30幾、40幾歲嘅女人最盛放。」她認為盛女風氣已非一朝一夕：「一直有呢個問題，只係香港越嚟越多盛女，先至成為社會話題。」
莊思敏與吳浩康的一段情，維持了5年多便告終。
林忠豪是吳浩康後，跟莊思敏傳緋聞的男人。
莊思敏拍過6次拖，15歲開始第一段戀情，每段情都刻骨銘心，同樣都傷透她的心，她說：「每次分開都好傷㗎，最短只維持幾個月，最長係吳浩康（Deep）嗰段，5年幾，復原期亦最長，每段情最傷唔係俾對方背叛，而係過咗自己底線，為咗遷就對方，做出違背自己嘅行為，曾親眼見過男友同第三者拍拖，男友話同第三者冇嘢，因為愛佢，竟然忍受同信佢。」6段情最終都失敗收場，她決定不再做情路上的弱者，從情傷中站起來，反而令她變得硬朗堅強。
莊思敏勸籲全港盛女：「唔使心急，香港好多單身女仔，唔係冇人要，條件仲唔差，擇偶要求梗係會高啲，要搵一生嘅伴侶，寧缺勿濫，香港女仔要拍拖唔難，搵目標一致又溝通到先係最難。單身又點？人生唔係淨得結婚生仔，最緊要保養得好。我已經完全復原，一定會再拍拖，隨時準備迎接新戀情。」但她表示一定不會落吧識男仔：「落club唔會識到好男仔，男仔以性行先，睇女仔先睇身材，女仔落club識男仔會好蝕底。」除了盛女、她覺得香港剩男問題更嚴重：「好多剩男都係宅男，唔識同人溝通，父母太過保護，自尊心強，怕輸。我好介意男仔太懦弱，連爭取自己鍾意嘅女人都唔敢，我寧願冇，都唔揀一個見到曱甴會跳上枱嘅男仔。」
